Бугун Тошкент шаҳар судида Ўзбекистон Республикаси Конституциясининг 32 йиллигига бағишланган тадбир бўлиб ўтди.
Унда Тошкент шаҳар суди раиси, раис ўринбосарлари – судлов ҳайъати раислари, суд фахрийлари, судья ва ходимлар иштирок этишди.
Тошкент шаҳар суди раиси Э.Ходжакулов барчани Конституция байрами билан табриклади. Ўтган йилларда Бош қомусимизнинг янги таҳрирда қабул қилингани, унинг ҳаётимиздаги ўрни ва қонун устуворлигини таъминлашдаги аҳамиятига тўхталди.
Тошкент шаҳар суди раиси Э.Ходжакулов Ўзбекистон Судьялари Ассоциацияси раиси, Ўзбекистон суд фахрийларини ижтимоий қўллаб-қувватлаш маркази раиси У.Мингбоевнинг суд фахрийси Қ.Мирзажонов таваллудига 80 йил тўлиши муносабати билан ёзган Ташаккурномасини ўқиб берди. Шунингдек, бир гуруҳ суд фахрийларига Тошкент шаҳар суди раисининг ташакурномалари топширилди.
Тадбирда бир гуруҳ судья ва суд ходимларига Тошкент шаҳар суди раисининг Фахрий Ёрлиғи топширилди.