ШИЛҚИМЛИК ВА ЗЎРАВОНЛИК МАСАЛАЛАРИ МУҲОКАМА ҚИЛИНДИ
Жиноят ишлари бўйича Юнусобод тумани судида туман суди раиси Ш.Тожиев, тергов судьялари З. Ярашев, Б.Каримов, Б.Баҳринов ҳамда Юнусобод тумани ИИО ФМБ ҳузуридаги бўлинма бошлиқлари, суриштирувчилар, жиноят қидирув ходимлари ва профилактика инспекторлари иштирокида йиғилиш бўлиб ўтди.
Унда Маъмурий жавобгарлик тўғрисидаги кодексида белгилаб берилган шаҳвоний шилқимлик, оилавий (маиший) зўравонлик масалалари муҳокама қилинди.Инчинун, ушбу масалалар бўйича келиб тушган аризаларни ўрганиш тартиби ва муддатлари, юритилаётган маъмурий ҳуқуқбузарликка оид ишларни расмийлаштиришда ва судга электрон ахборот тизими орқали юборишда йўл қўйилаётган камчиликлар кўрсатиб берилди. Мавжуд камчиликларни бартараф этиш, келгусида процессуал камчиликларга йўл қўймаслик хусусида чиқарилган тақдимномалар муҳокама қилинди.