ТАШКЕНТСКИЙ ГОРОДСКОЙ СУД
ТАШКЕНТСКИЙ ГОРОДСКОЙ СУД
Бугун Тошкент шаҳар суди раиси Эркин Ходжакулов Қашқадарё вилояти Қарши шаҳрида яшовчи фуқаро З.Ш. (аёл) билан ВКС тизими орқали онлайн қабул ўтказди.
Фуқаро мурожаатида 1997 йилда туғилган ўғли Б.Ш.га нисбатан қуйи суд қарорларидан норозилигини баён этди.
Суд раиси томонидан фуқарога ҳуқуқий тушунтириш берилди.
Тошкент шаҳар суди тадбирлар залида пойтахт судларининг 2025 йил ярим йиллик фаолият якунларига бағишланган матбуот анжумани бўлиб ўтди.
Уни Тошкент шаҳар суди раиси Э.Ходжакулов олиб борди.
Тадбирда Тошкент шаҳар суди раиси ўринбосари – жиноят ишлари бўйича судлов ҳайъати раиси М.Мирзажонов, Тошкент туманлараро маъмурий суди раиси С.Юлдошев, фуқаролик ишлари бўйича судлов ҳайъати судьяси О.Сатторов, иқтисодий ишлар бўйича судлов ҳайъати судьяси Ш.Аҳроров, жамоатчилик вакиллари ҳамда журналистлар иштирок этишди.
Тадбирда 2025 йил ярим йиллиги давомида пойтахт жиноят, фуқаролик, иқтисод ва маъмурий судлари томонидан амалга оширилган юзасидан ахборот берилди.
Таъкидландики, жиноят ишлари бўйича Тошкент шаҳар судлари томонидан 2025 йил биринчи ярми давомида 6.410 нафар шахсга нисбатан 5.242 та жиноят ишлари кўриб тамомланган бўлиб, ўтган йилга нисбатан кўриб тамомланган ишлар сони 853 тага (15,3%), жавобгарликка тортилган шахслар сони эса 585 нафарга (12,5%) кўпайган.
Судлар томонидан ярим йилликда жами 69 нафар шахсга нисбатан оқлов қарорлари чиқарилган, 1.645 ҳолатда тергов органи томонидан асоссиз қўйилган моддалар айбловдан чиқарилган.
Жиноят оқибатида етказилган 285 млрд. сўмдан ортиқ моддий зарарнинг ўрнини қоплаган 383 нафар шахсга нисбатан озодликдан маҳрум қилиш билан боғлиқ бўлмаган жазолар тайинланган, 1.380 нафар шахс суд залида қамоқдан озод қилинган.
Матбуот анжуманида фуқаролик ва иқтисодий судлар фаолияти юзасидан ҳам ахборот берилди.
Хусусан, Тошкент шаҳар фуқаролик ишлари бўйича судлари томонидан ўтган ярим йилликда жами 281.122 та ишлар ҳал қилинган бўлиб, бу республика судларида кўрилган жами 1.012.493 та ишларнинг 27.8 фоизини ташкил этган.
Тошкент шаҳар иқтисодий судларига ярим йилликда 73. 587 та даъво аризаси ва аризалар келиб тушган. Шундан 64 894 таси кўриб чиқилиб, 60 852 таси бўйича даъво талаби қаноатлантирилган, 2 091 таси бўйича даъво талабини қаноатлантириш рад этилган, 594 таси бўйича иш юритиш тугатилган, 1 357 та даъво аризаси кўрмасдан қолдирилган.
Кўрилган ишлар сони ўтган йилга нисбатан 11 789 тага ёки 22,2 фоизга кўпайган.
Суд мажлисларининг тарбиявий ва профилактик аҳамиятини ошириш, иқтисодиёт соҳасида қонунийликни мустаҳкамлаш ва ҳуқуқбузарликларнинг олдини олишга кўмаклашиш, қонунга ва судга нисбатан ҳурматда бўлиш муносабатини шакллантириш, тарафларга суд мажлисида қатнашиб, корхоналар, муассасалар, ташкилотлар ва фуқароларнинг бузилган ёки низолашилашилаётган ҳуқуқлари ва қонуний манфаатларини ҳимоя қилиш учун ҳар томонлама қулайлик яратиш мақсадида, кўрилган 64 894 та ишнинг 23 923 таси ёки 36,8 фоизи судьялар томонидан бевосита маҳаллаларда, корхоналар, муассасалар, ташкилотларда сайёр суд мажлисларида ҳал этилган.
Шунингдек, тадбирда Тошкент шаҳар маъмурий судлари томонидан амалга оширилган ишлар бўйича ҳам ахборот тақдим этилди.
Матбуот анжуманида журналистлар ўзларини қизиқтирган саволларга жавоб олдилар.