ПОЙТАХТДА ОЛИЙ СУД РАҲБАРИЯТИНИНГ САЙЁР ҚАБУЛИ
Бугун Тошкент шаҳар Сирғали тумани ҳокимлиги биносида Ўзбекистон Республикаси Олий суди раиси ўринбосари И. Муслимов бошчилигидаги ишчи гуруҳ томонидан пойтахт аҳолиси учун суд-ҳуқуқ масалалари бўйича сайёр қабул ўтказилди.
Унда Ўзбекистон Республикаси Олий суди раиси ўринбосарлари И.Муслимов ва Ш.Полвановлар ҳамда судьялар А.Элмурадов, Р.Мадумаров, Б.Тангабаев, А.Аяпов, Ш.Болиев, Р.Хайдаровларлар томонидан суд-ҳуқуқ масалаларида муаммоси бўлган фуқаролар қабул қилинди.
Сайёр қабулда жами 151 нафар фуқаролар мурожаатлари тингланди.
Таҳлил қиладиган бўлсак, шундан 87 нафар фуқаро жиноят ишлари бўйича мурожаат қилган. 49 нафар киши фуқаролик ишлар бўйича, 8 нафар фуқаро маъмурий ишлар бўйича, 7 нафар фуқаро эса иқтисодий судларга ўз муаммолари билан мурожаат қилган.
Сайёр қабулда 116 нафар фуқаронинг оғзаки мурожаатига ҳуқуқий тушунтириш берилган бўлса, 35 нафар фуқаронинг ёзма мурожаатлари қабул қилиб олинди.
Сайёр қабулда Пробация хизматининг жазодан озод қилиш бўйича киритилган тақдимномалари кўриб чиқилиб, 9 нафар маҳкум жазони ўташдан муддатидан илгари шартли равишда озод қилинди.
1 мурожаат Тошкент шаҳар суди томонидан кассация тартибида мазмунан кўриб чиқиш учун қабул қилинди.1 нафар шахснинг алимент ундириш юзасидан қилган мурожаати ижобий ҳал этилди.
Тааллуқлиги бўйича Олий судга тегишли тафтиш тартибида 4 та шикоят қабул қилиниб, назоратга олинди.
Сайёр қабулда 2 нафар фуқаро томонидан суд органлари фаолияти юзасидан ташаккурнома билдирилди.