Қидирув:

АНИҚ ВАЗИФАЛАР БЕЛГИЛАБ ОЛИНДИ

Бугун Яккасарой тумани ҳокимлигида коммунал соҳадаги қарздорликларни ундириш бўйича кенгайтирилган йиғилиш бўлиб ўтди.

 

Учрашувда Президент Админстрацияси масъул ходими Ж.Жўраев, Яккасарой тумани ҳокими Н. Аллаберганова, Тошкент шаҳар суди раиси ўринбосари Б. Исламов, туманлараро судлар судьялари, туман прокурори ўринбосари А.Маматқулов,  мажбурий ижро бюроси вакиллари ҳамда тумандаги БСК раҳбарлари иштирок этди.

Йиғилишда асосий эътибор коммунал соҳадаги қарздорликларни бартараф этиш, қарздорликларни ундириш жараёнини янада самарали ташкил этиш масалаларига қаратилди.

 

Мулоқот давомида қарздорликка сабаб бўлаётган омиллар таҳлил қилинди, мавжуд муаммоларни бартараф этиш учун аниқ чора-тадбирлар ишлаб чиқиш тавсия этилди.Бунда аҳоли  билан самарали мулоқот ўрнатиш, тўловларни ўз вақтида амалга оширишга рағбатлантириш ҳамда ижро ундирувини қонуний асосда ташкил қилиш муҳимлиги таъкидланди.

Шунингдек, бошқарув сервис компаниялари фаолиятини такомиллаштириш, уларнинг масъулиятини ошириш масалалари муҳокама марказида бўлди.

Йиғилиш якунида масъул идоралар олдига аниқ вазифалар қўйилиб, белгиланган режаларнинг бажарилишини назорат қилиш юзасидан зарур топшириқлар берилди.

ЮРИДИК КЛИНИКАДАГИ ОЧИҚ МУЛОҚОТ

Тошкент давлат Юридик университетининг юридик клиникасида университет талабаларнинг назарий билимларини амалиёт билан уйғунлигини таъминлаш, талабаларда амалий кўникмаларни ривожлантириш ҳамда жисмоний ва юридик шахсларга беғараз юридик маслаҳатлар кўрсатиш билан боғлиқ фаолиятни амалга ошириш юзасидан давра суҳбати бўлиб ўтди.

Давра суҳбатида Тошкент шаҳар суди фуқаролик ишлари бўйича судлов ҳайъати судьяси, юридик фанлар номзоди С. Сафоева иштирок этиб, талабаларга янги таҳрирдаги Ўзбекистон Республикаси Конституциясининг мазмун-моҳияти, судлар томонидан конституциявий нормаларни тўғридан-тўғри ва бир хилда қўлланилиши орқали инсон ҳуқуқларига оид кафолатларни тўлақонли таъминланиши,  суд ҳужжатларида ҳуқуқий асос сифатида биринчи навбатда, қоида тариқасида, Конституциянинг тегишли нормаларига ва ундан кейин юридик кучига қараб бошқа норматив-ҳуқуқий ҳужжатларга, башарти қонунлар ва бошқа норматив-ҳуқуқий ҳужжатлар Конституция нормаларига зид бўлганлиги аниқланган тақдирда эса, фақатгина Конституциянинг тегишли нормалари қўлланилиши лозимлиги ҳақида сўзлаб берди.

Давра суҳбатида талабалар ўзларини қизиқтирган саволларга жавоб олдилар.

ХОРИЖЛИК ТАЛАБА ЮРТИМИЗ СУД АМАЛИЁТИ БИЛАН ТАНИШДИ

Маълумки, Конституциянинг 32 йиллигини нишонлаш бўйича Президент фармойиши қабул қилинди. Фармойишга кўра, Конституциянинг 32 йиллигини муносиб кутиб олиш ва юксак савияда нишонлаш учун “Конституция-эркин ва фаровон ҳаёт гарови!”-деган бош ғоя асосида  ташкилий-амалий ҳамда маънавий-маърифий тадбирларни самарали ташкил этилиши белгиланган.

 

Мазкур фармойишнинг амалий самараси сифатида Тошкент туманлараро иқтисодий суди судьяси Ш.Эрметова Тошкент давлат  юридик университети талабаларини суд жараёнлари билан амалиётда яқиндан таништириш билан бирга бош қомусимизнинг мазмун-моҳияти тўғрисида айнан Конституциянинг 44,50,51,77,79-моддаларини алоҳида шарҳлар билан тушунтирди.

Жумладан, Конституциянинг 51-моддасига мувофиқ, фуқаролар давлат таълим ташкилотларида танлов асосида давлат ҳисобидан олий маълумот олишга ҳақлилиги, Олий таълим ташкилотлари қонунга мувофиқ академик эркинлик, ўзини-ўзи бошқариш, тадқиқотлар ўтказиш ва ўқитиш эркинлиги ҳуқуқига эгалиги ҳақида маълумотлар берди.

 

-“Мен ўз юртимда ҳеч қачон суд процессларида иштирок этмаганман, бироқ, Ўзбекистон Республикасида ўқиш амалиёти давримда суд процессларида иштирок этиб,  одил судлов ва Конституциянинг мазмун-моҳияти билан танишдим. Конституцияда белгиланган тамойиллар инсон ҳуқуқлари учун хизмат қилиши, ҳар бир соҳада қонун устуворлиги, халқ манфаати устун туриши жамият ривожига ҳисса қўшишидан далолат беради. Мазкур амалий машғулот менда жуда катта таассурот қолдирди”- дейди вьетнамлик талаба Li Quoch Xan.

Талабалар Конституция ва суд процесслари юзасидан ўзларини қизиқтирган саволларига жавоблар ва тушунтиришлар олди.

Skip to content