ОЧИҚ ЭШИКЛАР КУНИ
Фуқаролик ишлари бўйича Миробод туманлараро судида Тошкент давлат юридик университети талабалари иштирокида очиқ эшиклар куни доирасида тадбир ташкил этилди.
Талабалар дастлаб фуқаролик судида ташкил этилган рақамлаштириш жараёнлари билан танишди. Шундан сўнг суд залида бўлиб ўтаётган суд процесслари гувоҳи бўлишди. Талабалар медиация хонаси билан танишдилар.Фуқаролик ишлари бўйича Миробод туманлараро суди раиси Б.Сагатов талабаларга жорий йилда туманлараро судида амалга оширилган ишлар, рақамлаштириш жараёнлари, медиация хонасида ажрим ёқасига келиб қолган оилалар билан ишлаш, унинг натижалари бўйича маълумот бериб ўтди.
Суд, хотин-қизлар ва ҳамкор ташкилотлар билан олиб борилган ишлар натижасида кўплаб оилаларнинг ярашуви таъминланишига эришилмоқда. Фуқаролар мурожаатлари учун ҳам туманлараро судида қулай шароитлар яратилган. Очиқ эшиклар кунида талабалар суд-ҳуқуқ тизимида амалга оширилаётган ислоҳотлар натижалари билан танишиш имконига эга бўлдилар.