“АКАМ ҲОВЛИНИ МЕН БИЛАН БЎЛИШМОҚЧИ ЭМАС”: МУАММОНИ НОТАРИУС ҲАЛ ҚИЛАДИМИ?

— Оилада беш фарзандмиз: 2 ўғил, 3 қиз. Отамдан катта ҳовли мерос қолган. Опаларим ва акам ҳовлини мени номимга ўтказишмоқчи, аммо иккинчи акам норози. Бундай вазиятда муаммони нотариус орқали ҳал қилса бўладими?

Исми сир тутилди

Жасурбек МАМАЮСУПОВ, фуқаролик ишлари бўйича Мирзо Улуғбек туманлараро суди судьяси:

— Фарзандлар ўртасида отаси ёки онасидан қолган мерос мулки низо келиб чиқмаса, уларнинг розилиги билан нотариал тартибда расмийлаштирилади.

Агарда тарафлар ўртасида у ёки бу мерос мулкига нисбатан низо келиб чиқадиган бўлса, бундай мерос мулки суд тартибида тарафлар иштирокида кўриб чиқилади.

Суд ушбу масалани Ўзбекистон Республикаси Фуқаролик Кодексининг V-бўлимида кўрсатилган қоидалар бўйича қонуний кўриб чиқади ва мерос мулкини тақсимлаб беради.