Қидирув:

ОЛМАЗОРДАГИ САЙЁР ҚАБУЛ  

Тошкент шаҳар суди ва Тошкент шаҳар маъмурий суди раҳбарияти ҳамда Тошкент шаҳар Халқ қабулхонаси билан ҳамкорликда жисмоний ва юридик шахслар вакилларини жойларда сайёр қабул қилишни ташкиллаштириш бўйича иш режасига асосан Тошкент шаҳар судлари раҳбарияти томонидан ҳуқуқий жиҳатдан кўмакка муҳтож бўлган Олмазор туман аҳолиси учун туманнинг Ғани Азамов МФЙ биносида ўтказилган сайёр қабулда жами 22 нафар фуқаро қабул қилинди.

Қабул қилинган фуқароларнинг 18 таси жиноят ишлари бўйича, 3 таси фуқаролик ишлар бўйича судларга, 1 таси маҳмурий судга оид мурожаатларни ташкил қилди.

Шундан 21 та фуқаронинг оғзаки мурожаати эшитилган бўлса, 1 та мурожаат ёзма равишда тақдим этилди.

Жами 22 та мурожаатдан 6 таси бўйича ҳуқуқий тушунтириш берилди, 16 та мурожаат жойида ижобий ҳал этилди.

Жиноят ишлари бўйича судлар томонидан жазодан озод қилиш бўйича киритилган тақдимномалар асосида ахлоқ тузатиш ишлари жазосини ўтаётган 6 нафар шахслар жазони ўташдан муддатидан илгари шартли равишда озод қилинган бўлса, 10 нафар шахслар ҳуқуқбузарлик ҳолатларини бир ой муддатда ихтиёрий равишда бартараф этганлиги боис МЖтКнинг 271-моддаси 11 бандига асосан ишлар тугатилди.

Тошкент шаҳар судлари раҳбариятининг аҳоли билан сайёр қабуллари режа асосида мунтазам ўтказиб борилади.

ЯНГИ ҚОНУНЛАР ТАРҒИБОТИ ВА САЙЁР СУД МОҲИЯТИ

Жиноят ишлари бўйича Юнусобод туман судининг тергов судьяси З.Ярашев томонидан тумандаги “Биллур” маҳалла фуқаролар йиғини биносида 17 та ҳуқуқбузарлик ҳолати юзасидан маъмурий ҳуқуқбузарликка оид иш ҳужжатлари мазмунан кўриб чиқилди.

Тадбир иштирокчиларига Ўзбекистон Республикаси Президентининг 2025 йил 21 август кунги ПФ-140-сонли “Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида”ги Фармони ҳамда Ўзбекистон Республикасининг 2025 йил 21 августдаги “Ўзбекистон Республикасининг  айрим қонун ҳужжатларига қўшимча ва ўзгартиришлар киритиш тўғрисида”ги ЎРҚ – 1083-сонли қонунининг мазмуни ва моҳияти хусусида гапириб берилди.

Шунингдек, жиноят ишлари бўйича Юнусобод туман суди раисининг ўринбосари Ф.Исмаилова туман ИИО ФМБ Пробация бўлими ҳисобида турган, тузалиш йўлига ўтган маҳкумларни жазодан озод қилиш ҳамда енгилроқ турига ўзгартириш юзасидан Отчопар-1 МФЙ биносида сайёр суд ўтказиб, намунали тарзда жазо ўтаб келган, меҳнатга ҳалол муносабатда бўлиб, аҳлоқан тузалиш йўлига ўтган, содир этган қилмишидан пушаймон бўлган маҳкумлар Жиноят кодексининг 73-моддасига асосан ўталмаган жазо муддатидан илгари шартли равишда озод қилиш бўйича ички ишлар идораларининг тақдимномалари кўриб чиқилиб, суд томонидан қаноатлантирилди.

Тадбирда йиғилган маҳалла аҳлига  Ўзбекистон Республикаси Президентининг 2025 йил 21 август кунги  ПФ-140-сонли “Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида”ги Фармони ҳамда янги қонунлар моҳияти юзасидан тушунтиришлар берилди.

Skip to content